სტატია

აღმოაჩინე ჩვენი ბლოგი



10 რჩევა მამაკაცებს იდეალური ფიგურის დასაყენებლად

ყველამ კარგად ვიცით, რომ ადამიანებს ლამაზი სხეული ყოველთვის აღგვაფრთოვანებს. ბევრი თქვენგანი, ალბათ, უკვე ეცადა კიდეც შეეცვალა საკუთარი ფიგურა და იდეალური შედეგი მიეღო, მაგრამ ამ მხრივ ყველას როდი უმართლებს. თუ თქვენ იმ ადამიანებს შორის ხართ, რომლებმაც იმედგაცრუება განიცადეს და დასახულ მიზანს ვერ მიაღწიეს, ნუ შეშინდებით. თქვენ უბრალოდ რიგი შეცდომები დაუშვით, რომელთა გამოსწორება არც ისე რთულია.

მაშ ასე, გთავაზობთ Global Fitness-ის ინსტრუქტორის გეორგ ბურლიაევის რჩევებს, რომლებიც იდეალური ფიგურის  დაყენებაში დაგეხმარებათ. მითითებები, რომლებსაც მოცემულ სტატიაში გთავაზობთ, არ არის მხოლოდ თეორეტიკული ხასიათის, არამედ ხანგრძლივ პრაქტიკულ გამოცდილებას ემყარება. 18 წლის ასაკში გეორგი მხოლოდ 44 კილოგრამს იწონიდა, სიმაღლეში კი 1.77 სმ. იყო. ის მხოლოდ ოცნებაში თუ წარმოიდგენდა, რომ საკუთარ ფიგურას რადიკალურად შეცვლიდა და კონკურსებშიც მიიღებდა მონაწილეობას.

გაეცანით გეორგ ბურლიაევის 10 რჩევას, რომლებიც წარმატების მიღწევაში დაგეხმარებათ.

 

  • დაეყრდენით ცოდნას - უმჯობესია, თუ თავს ნამდვილ პროფესიონალს ანდობთ, რომელიც არა უბრალოდ თეორეტიკოსი, არამედ გამოცდილი პრაქტიკოსი იქნება. მან უნდა იცოდეს, თუ როგორ მიიღწევა ცვლილებები და რაც მთავარია, შეეძლოს თქვენი შეცვლა.

 

 

  • მოტივაცია - თქვენ აუცილებლად უნდა მიაგნოთ მოტივაციის წყაროს, იქნება ეს ფიტნეს-ტრენერი, გოგონა, რომელსაც შეიყვარებთ, თუ ახლობლები ან მეგობრები.  გვერდით უნდა გყავდეთ ადამიანი, რომელიც ყველაზე მძიმე წუთებში თქვენთან იქნება და მოგიწოდებთ, რომ არ დანებდეთ.

 

  • დაისახეთ კონკრეტული მიზნები - მაგ. გადაწყვიტეთ, რომ ყოველ თვეში 5 კგ. უნდა დაიკლოთ. გადაიღეთ ფოტოები ვარჯიშის დაწყებამდე და მის შემდეგ. აკონტროლეთ თქვენი წონა და ხაზი გაუსვით მიღწევებს, რომლებიც კონკრეტულ ეტაპზე გაქვთ.

 

 

  • კვება - როდესაც მხარდაჭერა გექნებათ და ვარჯიშსაც დაიწყებთ, თქვენი წარმატების 80 % კვებაზე იქნება დამოკიდებული, ამიტომ  დიდი ყურადღებით უნდა მოეკიდოთ მოცემულ საკითხს. პირველ რიგში, უარი უნდა თქვათ სწრაფი კვების ობიექტებისა და სხვა საზიანო პროდუქტებზე. იკვებეთ რეგულარულად ერთსა და იმავე დროს.

 

 

  • თუ თქვენ ექტომორფი ხართ - ამ შემთხვევაში კუნთოვანი მასის დეფიციტი იკვეთება  და ფორმაში ჩასადგომად ტიტანური ძალისხმევის გამოჩენაა სააჭირო. თქვენთვის აუცილებელია ნახშირწყლების უხვად მიღება. დიდი რაოდენობით ფაფები და ნახშირწყლოვანი პროდუქტი დაგჭირდებათ, რათა მიზანს მიაღწიოთ. დღიურად თქვენი მასის ყოველ ერთ კილოგრამზე 4-6 გრამი ნახშირწყალი უნდა მიიღოთ, ხოლო თქვენი მასის ყოველ ერთ კილოგრამზე 2 გრამი ცილა. აუცილებელია თქვენს რაციონში ცხიმების ჩართვაც. მინიმუმ 1 გრამი ერთ კილოგრამზე, დასაშვებია 1,5 გრამიც. აუცილებელია ბოჭკოთი მდიდარი პროდუქტიც.

 

  • თუ ენდომორფი ხართ - ამ შემთხვევაში თქვენ ჭარბი წონა გაწუხებთ და ბოდიბილდინგში წარმატების მიღწევის გაცილებით მეტი შანსი გაქვთ, ვიდრე ექტომორფებს, თუმცა დიეტის მკაცრად კონტროლი აუცილებლად დაგჭირდებათ. თქვენ უნდა უფრთხილდეთ როგორც მძიმე, ისე ადვილად ათვისებად ნახშირწყლებს და მუდმივად აკონტროლოთ მიღებული ცხიმის დოზები.

 

 

 

  • ვარჯიში - თუ თქვენ ფიტნეს-ინსტრუქტორი არ გყავთ და დამოუკიდებლად ვარჯიშობთ, მაქსიმალურად უნდა ფოკუსირდეთ თქვენს დატვირთვაზე. თუ სელფის მოყვარული ხართ და დარბაზს სამსახურის შემდეგ მცირე განტვირთვისთვის სტუმრობთ, გრანდიოზული ცვლილებების იმედი ნუ გექნებათ. გახსოვდეთ, თქვენი წარმატება თქვენი მცდელობისა და მონდომების პირდაპირპროპორციულია.

 

 

  • ზედმეტი გადატვირთვა - თუ თქვენ ექტომორფი ხართ, ნუ ივარჯიშებთ ხანგრძლივად. 90 წუთს არ უნდა გადააჭარბოთ. ეცადეთ, დროის მოკლე მონაკვეთში მაქსიმალურად დაიტვირთოთ. ბოროტად ნუ გამოიყენებთ კარდიო ვარჯიშებს, თორემ მუდამ იმ ფორმაში დარჩებით, რომლითაც დაიწყეთ. თუ თქვენ ენდომორფი ხართ, თქვენს მთავარ ამოცანას წარმოადგენს ვარჯიშის ინტენსივობის შენარჩუნება და გამეორებების მაღალი რიცხვი (ცხადია, მასის გათვალისწინებით). ყურადღება მიაქციეთ კარდიოს, სხვა შემთხვევაში ზედმეტ მუცელს დიდხანს ვერ მოიშორებთ.

 

 

  • ძალების აღდგენა - როდესაც კარგად ივარჯიშებთ და საჭმელსაც მიირთმევთ, დასვენების დრო დგება. აუცილებელია, კარგად გამოძინება და მოსვენება, რადგან კუნთოვანი მასა სწორედ ამ დროს იზრდება. თუ ძილი დაგაკლდებათ, ჰორმონი კორტიზოლი გააქტიურდება, ის კი მოგეხსენებათ როგორ გავლენას ახდენს ნახშირწყლების ცვლის პროცესზე. კორტიზოლის დონე ორგანიზმში გამუდმებით უნდა აკონტროლოთ.

 

  • ნუ დაელოდებით სწრაფ ცვლილებებს - თუ თქვენ გადაწყვეტთ, რომ 3 თვეში იდეალური ფიგურა დაიყენოთ, მწარედ შეცდებით. მამაკაცებში მნიშვნელოვანი ცვლილებები 6-თვიანი  რეგულარული ვარჯიშის, სწორი კვებისა და დასვენების ადექვატური რეჟიმის შედეგად მიიღწევა. რაც მთავარია, გქონდეთ საკუთარი თავის რწმენა.

            გისურვებთ წარმატებებს!

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა