სტატია

აღმოაჩინე ჩვენი ბლოგი



7 მიზეზი, რის გამოც ჩაჯდომები უნდა გააკეთოთ

ადამიანები, რომლებიც ცდილობენ სპორტული ფორმა შეინარჩუნონ, თავიანთ პროგრამაში აუცილებლად რთავენ სამ საბაზისო ვარჯიშს: პრესს, აზიდვებსა და ჩაჯდომებს. თითოეული მათგანის სარგებლიანობაზე საუბარი შორს წაგვიყვანს, ამიტომაც ამ ეტაპზე მხოლოდ ჩაჯდომებს შევეხებით და ორგანიზმში მის მიერ გამოწვეულ სასიამოვნო ცვლილებებზე გესაუბრებით.

ააქტიურებს ჰორმონების გამომუშავების პროცესს

ჩაჯდომებისას აქტიურდება ჰორმონთა გამომუშავების პროცესი. განსაკუთრებით ეს ეხება 2 უმნიშვნელოვანეს ჰორმონს: სომატოტროპიულ ზრდის ჰორმონს, რომლის მნიშვნელობა კუნთოვანი მასის განვითარებისთვის შეუცვლელია და ტესტოსტერონს, რომელიც მამაკაცის ორგანიზმის სიჯანსაღეზე უდიდეს ზეგავლენას ახდენს.

აძლიერებს კორპუსის კუნთებს

თუ ჩაჯდომებს სწორად შეასრულებთ, არამხოლოდ ბარძაყისა და დუნდულა კუნთების გამკვრივებას შეძლებთ, მხრისა და მუცლის ქვედა კუნთებსაც მნიშვნელოვნად დატვირთავთ. ეს ყოველივე კი მუცლის პრესის სწრაფ განვითარებას უწყობს ხელს.

ზრდის მოქნილობას

ჩაჯდომებისას არამხოლოდ მუხლები იტვირთება, არამედ მენჯ-ბარძაყის სახსარიც. ჩაჯდომების რეგულარული შესრულება წელის ტკივილებისგანაც გიცავთ. ის აძლიერებს ხერხემლის ქვედა ნახევარს და მალათშუა დისკოს თიაქრის გაჩენისგანაც გიცავთ.

აუმჯობესებს სისხლის მიმოქცევას

ნებისმიერი სახის ფიზიკური აქტივობა სისხლის მიმოქცევის პროცესს აუმჯობესებს, რის შედეგადაც ნივთიერებათა ცვლის პროცესი აქტიურდება და ორგანიზმი სწრაფად იწმინდება. აქ საუბარი არ არის მითოლოგიური წარმომავლობის ნალექზე, არამედ კონკრეტულ მეტაბოლურ წარმონაქმნებზე.

აძლიერებს მუხლებს

ჩაჯდომები მუხლებს ძალიან აძლიერებს, თუმცა თუ მისი სწორად შესრულება არ იცით, შესაძლოა პირიქითაც მოხდეს და მუხლი დაიზიანოთ.

აუმჯობესებს სისწრაფეს

ჩაჯდომებს დიდი სარგებელი მოაქვს მათთვის, ვინც სირბილით აქტიურად არის დაკავებული. განვითარებული ბარძაყის კუნთები გაცილებით მეტ შესაძლებლობას იძლევა მოქნილად და სწრაფად ირბინოთ.

გეხმარებათ წონასწორობის დაცვაში

ფეხის კუნთების გაძლიერება წონასწორობის დაცვაში დაგეხმარებათ. ახალგაზრდებს შესაძლოა ეს საკითხი ნაკლებად აწუხებდეთ, მაგრამ ასაკთან ერთად წონასწორობის შენარჩუნება პრობლემური ხდება. ძალიან მნიშვნელოვანია ამაზე წინასწარ იზრუნოთ და დახმარებისთვის ჩაჯდომებს მიმართოთ.

 

შეგახსენებთ, რომ რეგულარული ფიზიკური დატვირთვა, არამხოლოდ ფიზიკური ფორმის შესანარჩუნებლადაა კარგი, არამედ ის მთელი თქვენი ორგანიზმის სიჯანსაღეს უზრუნველყოფს.

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა