სტატია

აღმოაჩინე ჩვენი ბლოგი



მამაკაცების ფიზიკური ნაკლოვანებები, რომელთა გამოსწორებაც ადვილია

     იდეალური ფიგურის ჩამოყალიბება ძალიან რთული ამოცანაა. როდესაც პროფესიონალ ბოდიბილდერებს  ვაკვირდებით, ვხვდებით, რომ შეუძლებელი არაფერია. ისინი ხომ სრულყოფილების ნიმუშებად გვევლინებიან. დამწყები ათლეტები იძულებული ხდებიან გამუდმებით ებრძოლონ ფიზიკურ ნაკლოვანებებს, რომელთა ნაწილი გენეტიკურია, ნაწილი კი მათივე შეცდომების არასასურველ შედეგს წარმოადგენს. ქვემოთ განვიხილავთ მამაკაცებში გავრცელებულ 3 ფიზიკურ ნაკლს, რომელიც არასწორი ვარჯიშის შედეგად ვითარდება.

  • ზედმეტად განვითარებული სხეულის ზედა ნაწილი

   მსგავსი დისბალანსი ყველაზე ხშირად გვხვდება ფიტნესით დაკავებულ მამაკაცებში. ნებისმიერ დარბაზში ნახავთ კაცს, რომლის სხეულის ზედა ნაწილი გაცილებით განვითარებულია, ვიდრე ქვედა. მამრობითი სქესის წარმომადგენლებს ძალიან უყვართ მკერდისა და ხელის ვარჯიშების შესრულება. როდესაც მათ რომელიმე ვარჯიშის გამოტოვება უხდებათ, ძალიან მარტივად ელევიან ფეხის ვარჯიშებს, რომლებსაც ნაკლებ მნიშვნელობას ანიჭებენ. შედეგად, დროსთან ერთად სხეულის ზედა ნაწილი იკუნთება და იზრდება, ქვედა კი მას მნიშვნელოვნად ჩამორჩება. იქმნება შთაბეჭდილება, რომ ზედატანი სხვა ადამიანის ფეხებს მოარგეს.

როგორ უნდა გამოასწოროთ შეცდომა?

   აუცილებლად დატვირთეთ ფეხები, კვირაში ორჯერ მაინც შეასრულეთ ფეხის ვარჯიში, რათა ის სხეულის ზედა ნაწილს გაუთანაბრდეს. ფეხის კუნთების ზრდას დიდი შრომა სჭირდება, მაგრამ შედეგი ცდად ღირს. თუ ფეხის ვარჯიშებს სათანადო ყურადღებას დაუთმობთ,  ძალიან მალე თქვენ ისეთივე დაკუნთული ფეხები გექნებათ, როგორიც მკერდი და ხელები. ასე თქვენი სხეული გაცილებით ესთეტიკური სანახავი გახდება.

  • განიერი წელი

    იდეალური სხეულის ვიზუალური ეფექტი საკმაოდ ძლიერია. ათლეტებში მოსაწონად ითვლება გამოკვეთილი მხრებისა და ზურგის ზედა კუნთების ქონა, რომლებიც ვიწრო წელის ფონზე გაცილებით ეფექტურად გამოიყურებიან. მამაკაცების უმრავლესობა ვერ ახერხებს ასეთი ფიგურის დაყენებას.

როგორ უნდა მოიქცეთ, თუ მიზანს ვერ მიაღწიეთ?

    ცუდი ამბავი ის არის, რომ თქვენი ძვლოვანი სისტემა გენეტიკურად არის განპირობებული და მას ვერაფერს მოუხერხებთ. თუმცა თქვენ შეგიძლიათ დელტისა და ზურგის ზედა ნაწილის კუნთები მაქსიმალურ სიგანემდე გაზარდოთ, რისთვისაც აუცილებელია მოცემული ზონებისთვის განკუთვნილი ვარჯიშების რეგულარულად შესრულება. განვითარებული ზურგის ზედა ნაწილისა და დელტის ფონზე კი თქვენი წელი გაცილებით ვიწრო გამოჩნდება. ეს დაგეხმარებათ იდეალური სხეულის ვიზუალური ეფექტის შექმნაში.

  • არაპროპორციულად განვითარებული მკერდის კუნთები

  წოლჭიმი შტანგის გამოყენებით ბოდიბილდინგის არსებობის მანძილზე ყოველთვის ერთ-ერთ ყველაზე პოპულარულ და ეფექტურ ვარჯიშად ითვლებოდა, რადგან ის არაჩვეულებრივად ავითარებს მკერდის კუნთებს. საქმე იმაშია, რომ თუ მეტისმეტად კონცენტრირდებით მოცემულ ვარჯიშზე, როგორც ამას ხშირად აკეთებენ დამწყები ათლეტები, მკერდის შუა და ქვედა ნაწილს მნიშვნელოვნად განავითარებთ, ხოლო მისი ზედა ნაწილი შედარებით სუსტი და მოდუნებული გექნებათ, რაც საბოლოოდ თქვენს მკერდს არაპროპორციულად განავითარებს და ვიზუალურად არაესთეტიკურს გახდის.

როგორ უნდა გამოასწოროთ შეცდომა?

    წოლჭიმზე გადასვლა მხოლოდ მას შემდეგ შეიძლება, როდესაც მკერდის ზედა კუნთების ვარჯიშებს შეასრულებთ. თუ სხვაობა ზედა და ქვედა ნაწილებს შორის ძალიან დიდია, შეგიძლიათ დროებით უარი თქვათ ქვედა კუნთების ვარჯიშზე და ბალანსის მიღწევამდე თავი აარიდოთ მის შესრულებას.

წარმატებებს გისურვებთ!

 

 

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა