სტატია

აღმოაჩინე ჩვენი ბლოგი



როგორ დავითხელოთ ფეხები სწრაფად

ბევრი ქალბატონი ოცნებობს ისეთივე გრძელი და თხელი ფეხები ჰქონდეს, როგორიც მოდელებს აქვთ. თუ თქვენც მათს რიგებში ხართ და დახმარებისთვის თქვენს პერსონალურ ტრენერს მიმართავთ, შესაძლოა მან გიპასუხოთ, რომ უმჯობესია ძლიერ სხეულზე ორიენტირდეთ, ვიდრე სიგამხდრეზე იოცნებოთ. მსგავს რჩევებს ადვილად ითვალისწინებენ ქალბატონები, რომლებიც არ ოცნებობენ თხელი და ფემინური ფიგურის ჩამოყალიბებაზე. თუ თქვენს ოცნებას ფეხების სწრაფად დათხელება წარმოადგენს, მაშინ ჩვენი რჩევები აუცილებლად უნდა გაითვალისწინოთ.

მაღალი ინტენსივობის კარდიო ვარჯიშები საუკეთესო გზას წარმოადგენს ფეხების სწრაფად დასათხელებლად. მსგავსი ტიპის დატვირთვისას ცხიმი მარტივად იწვება. შეგიძლიათ მიმართოდ სწრაფ სიარულს, რათა ქვედა კიდურებში  დაგროვილ ზედმეტ ცხიმს შეებრძოლოთ. ამის გაკეთება რთული არ არის და არც ძვირი დაგიჯდებათ.

მაღალი ინტენსივობის ვარჯიშები, ასევე მძიმე წონის აზიდვები, ნახშირწყლებსა და იმ მეტაბოლურ პროდუქტებს ებრძვიან, რომელიც გასუქებას უწყობს ხელს. ისინი ცხიმის წვას ყოველთვის არ უწყობენ ხელს, მაგრამ წონაში დასაკლებად მათი შესრულება აუცილებელია.

 

ფეხების სწრაფად დათხელების მსურველი თუ ხართ, აუცილებლად უნდა გაითვალისწინოთ შემდეგი:

 

  • ბევრი იარეთ

ალბათ, შვებულება გაგიტარებიათ ისეთ ადგილას, სადაც ბევრი სიარული გიწევდათ. თუ ასეთი რამ შეგემთხვათ, აუცილებლად შეამჩნევდით, როგორ დაგითხელდათ ფეხები, რადგან სიარული საუკეთესო გზაა ფეხებიდან ზედმეტი ცხიმების მოსაშორებლად. რაც მეტს იმოძრავებთ, უკეთეს შედეგს მიიღებთ.

 

ყველამ ვიცით, რომ სიარული ისეთი ინტენსიური არ არის, როგორიც სირბილი, შესაბამისად მას გაცილებით ხანგრძლივი დროით შეგიძლიათ მიმართოთ. საუკეთესო შედეგის მისაღწევად ყოველდღიურად 10 000-მდე ნაბიჯი მაინც უნდა გადადგათ.

 

  • მაღალი ინტენსივობისა და წინაღობის ვარჯიშები

მოცემულ ვარჯიშებში მოიაზრება კარდიო, როგორიცაა მაგ. სირბილი, მაღალი ინტენსივობის ინტერვალური ვარჯიშები და წინაღობის ვარჯიშები. სირბილი საუკეთესოა, რადგან ის ზრდის თქვენს მოქნილობას, წვავს ბევრ კალორიას და გეხმარებათ სწრაფად გახდომაში.

 

 

ინტერვალური და წინაღობის ვარჯიშები საუკეთესოა მუსკულატურის გასაძლიერებლად და სხეულის ტონუსში მოსაყვანად. გარდა ამისა, ისინი დღის განმავლობაში კალორიების წვასაც უწყობენ ხელს და სხეულის ქვედა ნაწილის გახდომაშიც დაგეხმარებიან. სხეულის ტიპიდან გამომდინარე, ზოგიერთ ქალს მუსკულატურა ძალიან სწრაფად უვითარდება. თუ თქვენს მიზანს არ წარმოადგენს დაკუნთული ფეხების ჩამოყალიბება, ინტერვალურ და წინაღობის ვარჯიშებთან ფრთხილად უნდა იყოთ. თუ სიარული ფეხის სწრაფ დათხელებას უწყობს ხელს, ის მთელი სხეულის გახდომაში ნაკლებად დაგეხმარებათ. მათ, ვისაც მიზნად აქვს წონაში სწრაფი კლება, თითოეული ზემოხსენებული ვარჯიშის შესრულება მოუწევს.

 

  • იკვებეთ ჯანსაღად

იმედია, იცით, რომ სხეულის ლამაზი ფორმების ჩამოყალიბებაში დიეტა უდიდეს როლს თამაშობს. შეუძლებელია სასურველ შედეგს სწორი კვების გარეშე მიაღწიოთ.

 

 

საკვების სწორად შერჩევა დამოკიდებულია თქვენი სხეულის ტიპზე. თუ თქვენ თქვენი აღნაგობის შესაბამისად არჩევთ საკვებს, წონაში სწრაფი კლება გარანტირებული გაქვთ.

 

  • ივარჯიშეთ თქვენი სხეულის ტიპის გათვალისწინებით

სხეულის სამი ტიპი არსებობს: ექტომორფი, მეზომორფი და ენდომორფი. ექტომორფები ბუნებრივად ძალიან გამხდრები არიან. მათი სხეული ვარჯიშსა და კვებას ნაკლებად ემორჩილება. ექტომორფებისთვის ძალიან ძნელია წონაში მატება. მეზომორფი საშუალო ტიპია. მას შეუძლია წონაში სწრაფად მატება და დაკლება, თუ ვარჯიშსა და დიეტას მიმართავს. ენდომორფი კი ყველაზე განვითარებული მუსკულატურით ხასიათდება. მისთვის წონაში კლება ძალიან რთულია.

 

 

ექტომორფებს ფეხები ისედაც საკმაოდ გამხდარი აქვთ, შესაბამისად მათ კარდიოზე კონცენტრაცია არ სჭირდებათ. თუ ექტომორფი ხართ მეტი ყურადრება წინაღობის ვარჯიშებსა და მაღალნახშიწყლოვან დიეტებს უნდა დაუთმოთ.

მეზომორფებმა ყველა ზემოხსენებულ ვარჯიშს უნდა მიმართონ. რადგან მათ მუსკულატურის განვითარება არ უჭირთ, უმჯობესი იქნება, თუ საშუალოდ დაიტვირთებიან ინტერვალური ვარჯიშებით, ხოლო უფრო ცოტა დრო უნდა დაუთმონ წინაღობის ვარჯიშებს. მათ დიეტაში კი ბალანსირებულად უნდა გადანაწილდეს ნახშირწყლები, ჯანსაღი ცხიმები და პროტეინები.

ენდომორფები სიარულზე უნდა ფოკუსირდნენ, ასევე წინაღობის ვარჯიშებითაც უნდა დაკავდნენ. დაბალი ენდომორფები ხშირად ამჩნევენ, რომ სირბილისგან მათი ფეხები ადვილად იკუნთება და მნიშვნელოვნად იზრდება. ამიტომ თუ ენდომორფი ხართ, ხშირ სირბილს ერიდეთ.

იმედია, ჩვენი რჩევები თქვენთვის გამოსადეგი და სასარგებლო აღმოჩნდება. გახსოვდეთ, სასურველი შედეგის მისაღწევად და მის შესანარჩუნებლად, აუცილებელია ვარჯიშის ინტენსივობის გათვალისწინება და  სათანადო მონდომება.

წარმატებებს გისურვებთ!

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა