სტატია

აღმოაჩინე ჩვენი ბლოგი



სონომას დიეტა - უპირატესობები და ნაკლოვანებები

დიეტის სახელწოდება მომდინარეობს კალიფორნიის ერთ-ერთი ქალაქის სახელიდან, რომელიც მეღვინეობის მხარედ მიიჩნევა. ის ცნობილმა დიეტოლოგმა კონი გუტერსენმა შეიმუშავა. დიეტის გეგმა ემყარება ულუფების კონტროლსა და ჯანსაღ კვებას. მისი ავტორი 10 დღის განმავლობაში როგორც წონის ცვლილებებს, ასევე ჯანმრთელობის მდგომარეობის მნიშვნელოვან გაუმჯობესებას გპირდებათ.

სონომას დიეტა ხმელთაშუა ზღვის დიეტას აირეკლავს და უპირატესობას ანიჭებს მარცვლოვნებს, თევზისა და თხილეულის პროდუქტებისგან მიღებულ სუფთა ცხიმებს.

დიეტა სამი ფაზისგან შედგება, თითოეული მათგანი „ტალღად“ მოიხსენიება. პირველი ტალღა ათი დღის მანძილზე გრძელდება და ყველაზე მეტ შეზღუდვას მოიცავს. ტკბილეული, როგორც საკონდიტრო ნაწარმის სახით, ასევე ხილის სახითაც მთლიანად იკრძალება. გუტერსენის თქმით, აღნიშნული პროდუქტების რაციონიდან ამოღება თქვენს მადას მნიშვნელოვნად დააქვეითებს. რძის პროდუქტები შეზღუდული რაოდენობით დაიშვება, მაგ. ერთი ჭიქა უცხიმო რძე დღის განმავლობაში.

მეორე და მესამე ტალღა ჯანსაღი, საკვები ნივთიერებებით გაჯერებული პროდუქტების მიღებას უშვებს, რათა შეინარჩუნოს და გაზარდოს წონაში კლების მიღწეული შედეგები. მეორე ტალღის დროს წინა ეტაპზე აკრძალული პროდუქტების მიღების ნება გეძლევათ, მაგ. ღვინის. მესამე ფაზა შენარჩუნებაზეა ორიენტირებული, რაც იმას ნიშნავს, რომ ადამიანებმა, რომლებმაც დასახულ მიზანს მიაღწიეს, მიღებული შედეგების შენარჩუნებაზე უნდა იზრუნონ. ამ ეტაპზე ჯანსაღი პროდუქტების მიღება და ულუფების გაკონტროლებაა მთავარი მიზანი. მესამე ტალღის დროს დაშვებულია შავი შოკოლადისა და კარტოფილის მიღება.

სონომას დიეტის რაციონი ერთი დღის მაგალითზე

საუზმე: მარცვლეულის ფაფა რძესთან ერთად

ლანჩი: ქათმისა და ბრინჯის სალათი; ნიახურისა და ახალი სტაფილოს ჰუმუსი

სადილი: ბრიუსელის კომბოსტო, ხორბლის პურის ნაჭერი, ცოცხალი ხილი, ერთი ჭიქა ღვინო

ხემსი: კიტრი, იოგურტი

დესერტი: ვაშლისა და მოცვის ტარტი

სონომას დიეტის უპირატესობები

სასიამოვნო დიეტა -  სონომას დიეტის მთავარი უპირატესობა იმაში მდგომარეობს, რომ ის მკვებავი ნივთიერებებით მდიდარ საკვებს რაციონიდან არ გამორიცხავს და ისეთი პროდუქტებით ტკბობის ნებას გრთავთ, როგორებიცაა: ნუში, მოცვი, მარწყვი, ბროკოლი, ისპანახი, ზეითუნის ზეთი, პომიდორი, ყურძენი და მარცვლეული.

ულუფების კონტროლი - იმისთვის, რომ ულუფების გაკონტროლება არ გართულდეს, აღნიშნულ დიეტას სპეციალური თეფშების შემოთავაზება შეუძლია, რომელიც დაყოფილია მარცვეულის, ხილის, ბოსტნეულის და სხვა ნაწილებად. თითოეული მათგანი მხოლოდ განსაზღვრული რაოდენობით შეგიძლიათ მიიღოთ.

სონომას დიეტის ნაკლოვანებები

ფიზიკური აქტივობის შესახებ რეკომენდაციების ნაკლებობა - სონომას დიეტის ავტორი ვარჯიშზე მხოლოდ გაკვრით საუბრობს და არანაირ ინსტრუქციას არ იძლევა, თუ კონკრეტულად რა სახის აქტივობებით შეგიძლიათ, დაკავდეთ. ვარჯიში კი მოგხესენებათ ჯანსაღი ცხოვრების ერთ-ერთი მთავარი შემადგენელი ნაწილია.

მეცნიერული მტკიცებულებები ნაკლებობა- მეცნიერული მტკიცებულება, რომ ამა თუ იმ პროდუქტის საკვები რაციონიდან ამოღება წონაში კლებას უწყობს ხელს, დიეტის ავტორს არ გააჩნია. ამასთან, არც იმის მტკიცებულება არსებობს, რომ ხილისა და ტკბილეულის ამოღებით ადამიანს საკვებზე მოთხოვნილება შეუმცირდება. ამ მეთოდა შეიძლება ერთ ადამიანზე გაამართლოს, მეორეზე კი- არა.

წონაში მატების პოტენციური შესაძლებლობა პირველი ტალღის შემდეგ - პირველი, აკრძალვითი ფაზის შემდგომ წონაში შესაძლო მატება გამორიცხული არ არის, რადგან მას მოსდევს გაცილებით მსუბუქი მეორე და მესამე ტალღა. უმჯობესია ადამიანმა თავიდანვე მეორე ფაზით დაიწყოს და ჯანსაღ კვებას მიანიჭოს უპირატესობა.

სონომას დიეტის მოკლე და გრძელვადიანი პერსპექტივები

დროის ხანმოკლე შუალედში სონომას დიეტამ შესაძლოა წონაში სწრაფ კლებას შეუწყოს ხელი. თუ მითითებებს მკაცრად შეასრულებთ, დიდი ალბათობით, წონაში ადვილად დაიკლებთ და სასურველ შედეგსაც მიიღებთ.

გრძელვადიან პერსპექტივაში კი სონომას დიეტას ჯანსაღი კვების რეჟიმისადმი ერთგულების ჩამოყალიბება შეუძლია. სონომას დიეტა განსაკუთრებით ეფექტური იქნება მათთვის, ვინც აქტიური ცხოვრების წესს მისდევს და ფიტნესით არის დაკავებული. ამ ადამიანებს მოცემული დიეტის დახმარებით არამხოლოდ წონაში დაკლება, არამედ მიღწეული შედეგების შენარჩუნება შეუძლიათ. სონომას დიეტას ჯანსაღი კვების რეჟიმის თქვენი ცხოვრების წესად ქცევის ძალაც შესწევს.

 

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა