სტატია

აღმოაჩინე ჩვენი ბლოგი



საქმიანი დედის სინდრომი - შეცდომები, რომლებსაც დედები ვარჯიშის დროს უშვებენ

დედების ფიტნეს მიზნებს შორის, როგორც წესი, მშობიარობამდელი ფიგურის დაბრუნება ლიდერობს. ზოგიერთ მათგანს კი უბრალოდ წონის გაკონტროლება და ჯანმრთელობის შენარჩუნება სურს. თუმცა მნიშვნელობა არ აქვს, რა მიზნებს ისახავთ, თუ თქვენ დედა ხართ და ფიტნესით გსურთ დაკავდეთ, გირჩევთ კარგად გაეცნოთ იმ გავრცელებულ შეცდომებს, რომლებსაც დედები ვარჯიშისას ხშირად უშვებენ. ამ გზით დაბრკოლებების გადალახვა გაგიადვილდებათ და დასახულ მიზანსაც ადვილად მიაღწევთ.

  • თქვენც იმავეს აკეთებთ, რასაც ყველა

მაღალი ინტენსივობის  ინტერვალური ვარჯიშები უამრავ სარგებელს გპირდებათ, განსაკუთრებით ეს ეხება ცხიმის წვის საკითხს. თუმცა აუცილებელი არ არის გამუდმებით ერთი ინტენსივობით ვარჯიში და დამატებითი დროის ხშირი გამოყენება. კვლევებით დასტურდება, რომ მაღალი ინტენსივობის ვარჯიშისა და დაბალი ინტენსივობის აქტივობების კომბინირება საუკეთესო შედეგებს იძლევა და თქვენს ათლეტურ მონაცემებს ერთიორად ხვეწს. გარდა ამისა მსგავსი სტილით ვარჯიში მეტაბოლიზმის პროცესს აძლიერებს და ცხიმის წვას უწყობს ხელს. მსგავსი ტექნიკის გამოყენება გეხმარებათ დროის დაზოგვაში, ამასთან ენერგიაც ბლომად გაქვთ. თქვენ შეგიძლიათ საოცარი ფიგურა ჩამოიყალიბოთ, ამასთან დრო დაგრჩეთ კარიერული წინსვლისა და შვილების აღზრდისთვისაც.

  • თქვენ ფიტნეს გეგმები არ გაგაჩნიათ

თქვენ დარბაზში მიდიხართ, თუმცა წარმოდგენა არ გაქვთ იქ რა უნდა აკეთოთ. რის გამოც ვარჯიშის დროს დიდ დისკომფორტს განიცდით. როდესაც ძალიან ირჯებით, ვერც ხვდებით, რომ ერთი შეხედვით აშკარა მიზანი, გქონდეთ მშვენიერი სხეული და კარგი ჯანმრთელობა, სათანადოდ გაცნობიერებული არ გაქვთ. ეს ყოველივე კი თქვენი მიზნების რეალობასთან აცდენას იწვევს. სწორედ ამიტომ, მნიშვნელოვანია, თითოეული ვარჯიშისას მცირე, მაგრამ ცხადად ჩამოყალიბებული მიზნები გქონდეთ. ბოდიბილდერები და პროფესიონალი ათლეტები ყოველთვის ისახავენ მოკლევადიან მიზნებს. მაგ. ცდილობენ მისვლებისა და გამეორებების რაოდენობის წინასწარ განსაზღვრას, ან ერთი და იმავე ვარჯიშის უფრო მოკლე დროში შესრულებას და ა.შ. თუნდაც ის, რომ აღებული ტემპი ბოლომდე შეინარჩუნოთ, შეიძლება ჩაითვალოს ღირსეულ მიზნად. არ აქვს მნიშვნელობა რეალობა თქვენს მოლოდინს გადააჭარბებს თუ გაუტოლდება, თქვენ მაინც კმაყოფილი დარჩებით, რაც ჯანსაღი ცხოვრების წესის ერთგულებაში დაგეხმარებათ და სწორი მიმართულებით წაგიყვანთ.

  • თქვენ მეტისმეტად დიდ დროს უთმობთ მოსამზადებელ  ვარჯიშებს

ნებისმიერი პროფესიონალი ფიტნეს-ინსტრუქტორი გეტყვით, რომ ვარჯიშის წინ გახურება და დინამიკური ვარჯიშები ტრავმების მიღებისგან გიცავთ და კუნთებსაც ააქტიურებს. თუმცა ზედმეტი არ უნდა მოგივიდეთ და მოსამზადებელი ეტაპით მთელი ვარჯიში არ უნდა ჩაანაცვლოთ.

არავინაა დაზღვეული ბალანსის დარღვევისგან, დაზიანების მიღებისგან და გარკვეული შეზღუდვებისგან, თუმცა ამან ხელი არ უნდა შეგიშალოთ და ვარჯიშისგან ის უნდა მიიღოთ, რისი მიღებაც მისგან გსურთ. შეცდომისგან შემდეგი ქმედება დაგიცავთ: საკუთარ თავს უფლება მიეცით 10-15 წუთით გახურდეთ, თუ აუცილებელია დრო დაინიშნეთ. განსაკუთრებული ყურადღება თქვენს სუსტ მხარეებზე გაამახვილეთ, შემდეგ კი ვარჯიშზე გადადით. ასე თქვენ რეალურად გახურდებით და ვარჯიშს თავს აღარ აარიდებთ. თავს ნუ შეიწუხებთ მიზეზების მოძიებით, რომელთა გამოც ვარჯიშს ვერ ბედავთ. ნებისმიერი პრობლემა გადალახვადია.

  • თქვენ არასწორად ხურდებით

მოსამზადებელ ეტაპსა და ვარჯიშს შორის არსებულ განსხვავებებზე უკვე გესაუბრეთ. თუმცა დროა გახურებას საკმარისი ყურადღება მიაქციოთ და თქვენი სავარჯიშო რუტინის რეკონსტრუირება სცადოთ.

ადრე მოსამზადებელი ეტაპი მიზნად ისახავდა ჰიპერაქტიური კუნთების მოდუნებას, მსუბუქი გაწელვების შესრულებას და მყესებისა და იოგების სავარჯიშოდ მომზადებას. სტატიკური გაწელვები თითქმის ყველა ქალბატონის სავარჯიშო რუტინას უსწრებდა წინ, თუმცა ეს ყოველთვის სწორი არ არის, რადგან ზოგიერთი ვარჯიშის წინ მსგავს გაწელვებს დესტრუქციული ფუნქციის შესრულებაც შეუძლიათ, მაგ. წინაღობით ვარჯიშის შემთხვევაში. მსგავსი ტიპის გახურება, როგორც წესი, ძალას ასუსტებს, კუნთების აქტივობას კი ანელებს, რასაც საბოლოოდ გაცილებით სუსტ ვარჯიშამდე მივყავართ, ვიდრე სინამდვილეში შეგვიძლია.

თუ გსურთ ნამდვილად ივარჯიშოთ, მოსამზადებლად დინამიკურ გაწელვებს და კუნთების მასტიმულირებელ მოძრაობებს უნდა მიმართოთ. რაც შეეხება ტრადიციულ სტატიკურ გაწელვას, ის ვარჯიშის შემდეგ უფრო გამოგადგებათ და სიმძიმეს მოგიხსნით. წარმატების მიღწევა თუ გსურთ, დიდი ყურადღება უნდა დაუთმოთ ვარჯიშთა თანმიმდევრობას. თითოეულ მოძრაობას სავარჯიშო რუტინაში თავისი განსაზღვრული ადგილი აქვს.

  • თქვენ საკუთარ სხეულს არ უსმენთ

თანამედროვე, ინტელექტუალურ საზოგადოებაში ცხოვრების განსაზღვრული წესი ჩამოყალიბდა. ადამიანები ცდილობენ ნებისმიერ ვითარებას მოერგონ და ნაკლებად უსმენენ საკუთარ შეგრძნებებს, რომლებსაც რეალურად ჩვენი გამოკვება შეუძლიათ. როდესაც საქმე ვარჯიშს ეხება საქმე კიდევ უფრო რთულადაა. ამ შემთხვევაში აუცილებელია ორგანიზმის მოთხოვნებს ყური ვუგდოთ და მასთან გამუდმებული კომუნიკაცია გვქონდეს. არ უნდა ჩაიციკლოთ მარტივ აფორიზმზე, რომ ტკივილის გარეშე მიღწევები არ არსებობს. თქვენ ერთმანეთისგან უნდა არჩევდეთ დაძაბულობით გამოწვეულ ტკივილსა და ფიზიკური დაზიანების მიღების შედეგად გამოწვეულ ტკივილს. შესაძლოა, ასე მიღებული დაზიანებები უფრო გაგიმწვავდეთ და რამდენიმე კვირის განმავლობაში ვარჯიში ვეღარც შეძლოთ.

მეორეს მხრივ, თქვენ შეიძლება ლიმიტი დაუწესოთ საკუთარ თავს, როდესაც გონება გკარნახობთ, რომ უნდა გაჩერდოთ, თუმცა თქვენს სხეულს გაცილებით მეტის ატანა შეუძლია. ნებისმიერი ადამიანი, რომელმაც სპორტში მნიშვნელოვან წარმატებას მიაღწია, გეტყვით, რომ მათ გაცილებით მეტი შეძლეს, ვიდრე ეს თავდაპირველად წარმოედგინათ. საუკეთესო გზა შედეგის მისაღწევად, ვარჯიშის აქტიურად მიყოლაა, რაც თქვენი სხეულის მოსმენას გასწავლით და გამოცდილებას შეგძენთ.

  • თქვენ პროცესს არ ენდობით

სამწუხაროა, მაგრამ ფაქტია, რომ საბოლოოდ ქალბატონთა უმრავლესობა საბოტაჟს უწყობს თავისსავე მიზნებს, რადგან მათ მიღწევას ვერ ახერხებს. ფიტნესში აღნიშნული ფაქტის უამრავი მანიფესტაცია არსებობს. ხშირად ხდება, რომ ქალბატონებს გული უცრუვდებათ და ვარჯიშებს ყოველკვირეულად ცვლიან. ისინი ცდილობენ რთულიდან მარტივ ვარჯიშებზე გადაინაცვლონ, მოსაწყენ რუტინაში ვარდებიან და შესანიშნავად ხვდებიან, რომ სწორ გზას არ ადგანან.

სინამდვილეში კი ვარჯიშის დროს დაშვებული შეცდომები გაცილებით დიდი პროცესის ნაწილია და სწავლაში გეხმარებათ. თუმცა მნიშვნელოვანია, რომ ამ შეცდომების ამოცნობა შეგეძლოთ. საკუთარი შეცდომებისგან უნდა ისწავლოთ, მიეჯაჭვეთ იმას, რაც გაძლევთ შედეგს და ნუ გახდებით სიახლეების მონა. თუ ხედავთ, რომ ძალიან დიდი არჩევანის წინაშე დგახართ, ნუ შეშინდებით. ყურადღება მიაქციეთ იმ ადამიანების გამოცდილებას, რომლებმაც უკვე მიაღწიეს მიზანს. მათაც შეცდომების დახმარებით ისწავლეს. მსგავსი ადამიანების გამოცდილება ძალიან გამოგადგებათ და მნიშვნელოვანი ცვლილებების განხორციელებაში დაგეხმარებათ.

 

 

 

 

 

 

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა