სტატია

აღმოაჩინე ჩვენი ბლოგი



რა მივირთვათ ვარჯიშამდე?

თქვენ ფიტნესის მოყვარული ადამიანი ხართ და რეგულარულად ვარჯიშობთ, უსარგებლო პროდუქტებზე უარს ამბობთ და ჯანსაღი ცხოვრების წესს მისდევთ. თუ გსურთ, რომ თქვენმა ორგანიზმმა დატვირთვას ღირსეულად გაუძლოს და თქვენი შესრულების ხარისხი არ დაეცეს, კვებას განსაკუთრებული ყურადღება უნდა დაუთმოთ. იმისთვის, რომ სრულყოფილად დაიტვირთოთ, ვარჯიშის წინ სწორად უნდა იკვებოთ. ხანმოკლე კარდიო ფიტნესით აქტიურად დაკავებულ ადამიანებს შორის განსაკუთრებული პოპულარობით სარგებლობს. მიუხედავად ამისა, ის შედეგიანი ვერ იქნება, თუ ვარჯიშს მოუმზადებლად დაიწყებთ. აუცილებელია, ვარჯიშის დაწყებამდე სათანადოდ მიირთვათ.

თუ გსურთ სწორად იკვებოთ, ვარჯიშამდე მაღალნახშირწყლოვანი, ცილების საშუალო შემცველობის და დაბალცხიმიანი, დაბალბოჭკოვანი პროდუქტები უნდა მიიღოთ. ცხიმი და ბოჭკო საკვების მონელების პროცესს აფერხებს, რაც ვარჯიშის დროს დისკომფორტს შეგიქმნით. ნახშირწყლები თქვენი აქტივობისთვის მთავარ საწვავად უნდა გამოიყენოთ.

სტატიაში გთავაზობთ 10 საუკეთესო პროდუქტს, რომლებიც ვარჯიშამდე უნდა მიირთვათ. არ აქვს მნიშვნელობა დარბაზში ვარჯიშობთ, თუ სუფთა ჰაერზე, საკვების სწორად შერჩევის შემთხვევაში სასურველი შედეგის მიღწევა გაცილებით გაგიმარტივდებათ.

ბერძნული იოგურტი გრანოლასა და კენკრასთან ერთად

გრანოლა და კენკრა ნახშირწყლების ენერგიის წყაროდ გამოყენებაში გეხმარებათ, ხოლო ცილები კუნთებს გაგიძლიერებთ. ეცადეთ ისეთი გრანოლა შეარჩიოთ, რომელიც თხილეულს და ბურღულეულს შეიცავს. ნახშირწყლები, რომლებსაც მიირთმევთ, სასურველია ვანილით ან ქოქოსის ზეთით დაატკბოთ. გახსოვდეთ, სისხლში შაქრის დონე ყოველთვის უნდა გადააკონტროლოთ და ის საშუალო მაჩვენებელს არ უნდა აცდეს. რაც შეეხება იოგურტს, ეცადეთ ის სუფთა სახით მიიღოთ და არა ხილის სხვა და სხვა არომატით გაჯერებული.

ხილის სმუზი

ხილში არსებული შაქარი გაცილებით მარტივი მოსანელებელია. მაღალი ინტენსივობით ვარჯიშის დროს ხილი ენერგიის მნიშვნელოვან წყაროს წარმოადგენს. სმუზი საკუთარი გემოვნებით უნდა მოიმზადოთ. ამასთან თქვენი მოთხოვნები და საჭიროებებიც უნდა გაითვალისწინოთ. შეგიძლიათ ერთმანეთში აურიოთ ნუშის რძე, არაქისის კარაქი და  ბანანი ან ავოკადოს, ნუშის რძის, მოცვისა და ბანანის კომბინაცია სცადოთ.

მაღალპროტეინული შვრიის ფაფა მოცვით

თუ საღამოობით დარბიხართ, ნუშითა და მოცვით გამდიდრებული შვრიის ფაფა უნდა მიირთვათ. ნუშის კარაქსა და შვრიას ორგანიზმის ენერგიით მომარაგების უნარი შესწევს. ორივე პროდუქტი განსაკუთრებით სასარგებლოა, თუ ხანგრძლივად ვარჯიშობთ. შვრიის ფაფაში პროტეინის ფხვნილის დამატებით, კუნთებს ამინომჟავებით მოამარაგებთ, რაც მათ გაძლიერებას უწყობს ხელს.

ბანანი არაქისის კარაქთან და თაფლთან ერთად

კალიუმითა და ნახშირწყლებით მდიდარი ბანანი არამხოლოდ საჭირო ენერგიით აგავსებთ, ის თქვენი ნერვებისა და კუნთების სათანადო ფუნქციონირებასაც შეუწყობს ხელს. თუ მეტი სიტკბო გჭირდებათ, შეგიძლიათ თაფლი გამოიყენოთ. თაფლის მიღების შემდეგ სისხლში შაქრის დონის სწრაფი მატება არ ხდება. თაფლი განსაკუთრებით სასარგებლოა წინაღობით ვარჯიშის შესრულების წინ. ბანანის, არაქისის და თაფლის კომბინაცია ორგანიზმს აიძულებს ენერგიისთვის გლიკოგენი გამოიყენოს, რადგან მათი მიღების შემდეგ მზა ნახშირყლები, როგორც ენერგიის ძირითადი წყარო, ხელმისაწვდომი არ არის.

ვაშლი ნუშის კარაქთან და ქიშმიშთან ერთად

გამომშრალი ხილი, როგორიცაა ქიშმიში, ბუნებრივი შაქრის ერთ-ერთ საუკეთესო წყაროს წარმოადგენს. ვაშლსა და ქიშმიშში შემავალი მცირე რაოდენობით ბოჭკო, ასევე კარაქში შემავალი უჯერი ცხიმები შიმშილის გრძნობას სწრაფად გაგიქრობთ, ამასთან ზედმეტადაც არ დაგანაყრებთ. აღნიშნული კომბინაცია საუკეთესოა დილის ვარჯიშების შესრულების წინ.

არაქისის კარაქის ენერგეტიკული ბურთულები

ენერგეტიკული ბურთულების დამზადება თავადაც მარტივად შეგიძლიათ. ინტერნეტში მოიძიეთ რეცეპტები ცხობის გარეშე. სასურველია, ბურთულები, რომლებსაც მოამზადებთ არაქისის კარაქს, პროტეინის ფხვნილს, თაფლსა და შავ შოკოლადს შეიცავდეს.

სახლში მომზადებული სპორტული სასმელი

გამოიყენეთ ინგრედიენტები, რომლებსაც პოპულარული სპორტული სასმელები შეიცავენ. ერთმანეთში აურიეთ წყალი, ფორთოხლის წვენი, თაფლი და ზღვის მარილი. თქვენ თავადვე შეგიძლიათ ელექტროლიტებითა და ნახშირწყლებით მდიდარი სპორტული სასმლის მომზადება.

სახლში მომზადებული გრანოლას ბატონი

გრანოლას ბატონის სახლში მომზადებით ფინანსებსაც დაზოგავთ და ენერგიის მარაგსაც შეივსებთ. გამოიყენეთ მშრალი ხილი, ნახშირყლოვანი პროდუქტები, მარცვლეული და  თქვენთვის სასურველი შემადგენლობისა და გემოს მქონე ბატონი მოიმზადეთ.

დაბალცხიმიანი ყველი და გარგრის ჩირი

დაბალცხიმიანი ყველი სასარგებლო საუზმეა, რომელიც ზომიერი რაოდენობით კაზეინსა და პროტეინებს შეიცავს. კაზეინი ძნელად გადამუშავებადი პროტეინია, რომელიც კუნთოვანი მასის ზრდას უწყობს ხელს. ყველში შემავალი რძის შრატის პროტეინი კი ცხიმის წვას აუმჯობესებს. ისიც, ისევე როგორც კაზეინი, სასარგებლოა კუნთოვანი მასის ზრდისთვის. ყველისა და გარგრის ჩირის კომბინაცია ერთ-ერთი საუკეთესო საკვებია, რომლის მირთმევაც ვარჯიშამდე შეგიძლიათ.

არაქისის კარაქისა და ჯემის სენდვიჩი

ამერიკაში ერთი-ერთი ყველაზე პოპულარული ხემსის მომზადება საკმაოდ მარტივია და არც ძვირი დაგიჯდებათ. ის პროტეინებისა და ნახშირწყლების საუკეთესო წყაროს წარმოადგენს. ეცადეთ, მისი მომზადებისას ხორბლის პური და ნატურალური კარაქი გამოიყენოთ.

რეკომენდირებული პროდუქტები



დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა
შენი წარმატების პორტალი

კონტაქტი / უსაფრთხოების პოლიტიკა