Facebook


სტატია

აღმოაჩინე ჩვენი ბლოგი



დეპრესიის დაძლევაში ვარჯიში დაგეხმარებათ

ადამიანები, რომლებიც დეპრესიით იტანჯებიან, ხშირად ვერ ხვდებიან, რომ ვარჯიში მათს მძიმე მდგომარეობაზე დადებითად აისახება, ამასთან ის არ არის დაკავშირებული ზედმეტ ხარჯებთან და არც გვერდითი ეფექტებით დაგაზიანებთ. ფიზიკურ დატვირთვას დეპრესიის სიმპტომთა გამოვლენის შემცირების უნარი აქვს. ცნობილია, რომ ფსიქოლოგიური პრობლემების ერთ-ერთ გამოვლინებას სწორედ ცხოვრების უძრავი წესისადმი მიდრეკილება წარმოადგენს.

სავარჯიშოები, რომლებიც სუნთქვის პროცესს აუმჯობესებენ ( ცურვა, სირბილი, ველოსიპედით სეირნობა), ასევე გიმნასტიკა მნიშვნელოვნად აუმჯობესებენ მდგომარეობას სუსტი ან საშუალო სიმძიმის დეპრესიის შემთხვევაში, ხოლო მძიმე დეპრესიის მკურნალობის პროცესის ეფექტურობას ზრდიან.

უბრალო გასეირნებასაც კი შეუძლია დადებითი შედეგი გამოიღოს. ცნობილია, რომ ფიზიკურ დატვირთვას გაცილებით სწრაფი ეფექტი აქვს, ვიდრე ფარმაკოთერაპიას ან ფსიქოთერაპიას. გასათვალისწინებელია ერთი მნიშვნელოვანი გარემოებაც, ვარჯიშით მიღებული შედეგი გაცილებით სტაბილური და გრძელვადიანია. ექსპერიმენტებით დადასტურდა, რომ ადამიანები, რომლებმაც დეპრესია ამ გზით დაძლიეს, შფოთვის დაბალ მაჩვენებლებს მომდევნო 7 წლის მანძილზე წარმატებით ინარჩუნებენ.

რატომ იძლევა ფიზიკური დატვირთვა დადებით შედეგს?

  • ვარჯიშისას ადამიანს თავისი მძიმე ფიქრებისგან გათავისუფლება და ყურადღების გადატანა გაცილებით უადვილდება.
  • ფიზიკური დატვირთვა ამაღლებს თვითშეფასებას. როდესაც დასახულ მიზანს აღწევს, ადამიანს კმაყოფილება ეუფლება და საკუთარ თავს გაცილებით დადებითად აფასებს.
  • ვარჯიშები, რომლებიც ჯგუფურად სრულდება (აერობიკა, ცეკვა) დეპრესიულ ადამიანს იზოლაციის დამთრგუნველი შეგრძნებისგან ათავისუფლებს.
  • სუფთა ჰაერზე შესრულებული ვარჯიშები ჰარმონიულობის განცდას ბადებს, თუნდაც ეს იყოს უბრალო გასეირნება პარკში.
  • ბიოლოგიურ დონეზე კი, ვარჯიში ტვინში ენდორფინების გამოთავისუფლებას უწყობს ხელს, რაც ამაღლებს განწყობას და ტკივილის შეგრძნებას ამსუბუქებს.

რა დრო უნდა დაუთმოთ ვარჯიშს, თუ დეპრესია გაწუხებთ?

საკმარიშია კვირაში 2-3 დღე დაუთმოთ ვარჯიშს და თითოეული შემთხვევისთვის 30 წუთი გამოყოთ, რომ მნიშვნელოვნად გაგიუმჯობესდებათ განწყობა. ნუ დაიწყებთ ვარჯიშს სრული დატვირთვით. პირველ ეტაპზე მსუბუქი გასეირნებებიც საკმარისია, შემდგომ კი ნელ-ნელა მოუმატეთ ტემპს.დაიმახსოვრეთ, ვერცერთი ვარჯიში ვერ იქნება თქვენთვის ეფექტური, თუ ის რთულად მოგეჩვენებათ. დეპრესიული სინდრომით შეპყრობილ ადამიანებს მცირე წინააღმდეგობაც თრგუნავთ, ამიტომ ყურადღება მიაქციეთ თქვენს პროგრამას. აუცილებელია, თქვენთვის მისაღები და მარტივად შესასრულებელი ვარჯიშები შეარჩიოთ.

გისურვებთ წარმატებებს!

დღეში დამწვარი კალორიების გამოთვლა


სანტიმეტრებში
კილოგრამებში
განმარტება:
მჯდომარე, ნაკლებმოძრავი :
დღის განმავლობაში ძალიან მცირე აქტივობა
მსუბუქად აქტიური:
მსუბუქი ფიზიკური აქტივობა კვირაში 1-დან 3 დღემდე.
ზომიერად აქტიური :
საშუალო ფიზიკური აქტივობა კვირაში 3-დან 5 დღემდე.
ძალიან აქტიური :
მძიმე ფიზიკური აქტივობა კვირაში 6-დან 7 დღემდე.
უკიდურესად აქტიური :
ყოველდღიური მძიმე ფიზიკური ატივობა